„Барам Албанците да имаат разбирање за нас“, вели Димитриевски

Градоначалникот на Општина Куманово Максим Димитриевски денеска во летното издание „Click21“ на ТВ21 истакна дека францускиот предлог не згазил, односно ни го згазил достоинството.

Тој побара од сограѓаните Албанци да имаат разбирање.

„Јас ги молам сограѓаните Албанци да не разберат во каква состојба сме, доколку некој дојдеше и побараше од албанските граѓани во државава да им правеше ревизија на историјата, да им каже дека тие не зборуваат албански јазик. Да им каже дека во Македонија на времето немало албанско малцинство, како тие што кажуваат за Бугарија дека не постои македонско малцинство, дали ќе беа горди? Не секако“, вели Димитриевски.