Кога ќе се качат температурите, модата станува поразиграна и посмела. Летото е идеално време за експериментирање со бои, кроеви и дезени кои внесуваат свежина и ведрина во секој изглед.
Меѓу летните трендови, цик-цак дезенот се издвојува како апсолутен хит. Овој динамичен и весело модерен принт го гледаме кај инфлуенсерки, на модни писти, но и во колекциите на бројни брендови.
Одлично се вклопува и во дневни и во вечерни комбинации – на плажа, во град или на журки.
Цик-цак линиите, познати и како „зиг-заг“, се најчесто во живи бои како портокалова, тиркизна, жолта, розова и зелена. Комбинирани во контрастни шеми, создаваат впечатлив, речиси хипнотизирачки ефект.
Овој дезен изгледа одлично на лесни фустани, топови, кратки маички, широки панталони, костими за капење, туники и аксесоари како марами и чанти.
Брендот Missoni е препознатлив по оваа естетика, но и многу други модни куќи го вклучија во своите летни колекции – од луксузни до high-street варијанти. Особено популарен е во бохо стил со реси, везени детали и лесни материјали.
Како да го носите? За дневен изглед комбинирајте цик-цак фустан со рамни сандали и големи очила. За вечерен стајлинг – додадете златни аксесоари и еспадрили со платформа. Без разлика каде сте, овој дезен е идеален за тренди и впечатлив летен стил.
Извор: glossy.espreso
