Маскирани разбојници со пиштоли извршиле вооружен грабеж во продавницата „Нептун“

Вечерва се случил вооружен грабеж во продавницата за бела техника „Нептун“, лоцирана во склоп на националната арена „Тоше Проески“ во Градскиот парк во Скопје.

Според информациите, околу 20:30 часот, двајца маскирани разбојници влегле во продавницата, вооружени со пиштоли. Првата реченица што ја кажале била: „Вадете ги парите од касата, ако некој викне полиција сите ќе ве убиеме“.