Обиле пункт на „Паркови и зеленило“ и ја кршеле опремата за уредување на зелените површини

Непознати лица викендов обиле пункт во кој јавното претпријатие „Паркови и зеленило“ чува дел од опремата за уредување на зелените површини, при што превртеле и уништиле дел од механизацијата, соопшти јавното претпријатие.

Од „Паркови и зеленило“ објавија фотографии од уништените косилки, клупи, реквизити и други алатки, на кои се гледа обемот на овој вандалски чин.