Американското Министерство за финансии во вторникот ја санкционираше наводната девојка на рускиот претседател Владимир Путин како дел од серијата мерки насочени кон руската елита во последниот обид на администрацијата на Бајден да го казни Кремљ поради војната во Украина.
Алина Маратовна Кабаева, која наводно е во љубовна врска со претседателот на Русија, е санкционирана „затоа што била или сè уште е функционер, висок функционер или член на одборот на директори на владата на Руската Федерација“, се наведува во соопштението на Министерството.
Во соопштението се наведува дека Кабаева има блиски врски со Владимир Путин.
Таа е, исто така, поранешен член на Државната дума и „актуелен директор на Националната медиумска групација, т.е. проруска телевизија, радио станица и печатени медиуми“.
Во април, „Волстрит журнал“ објави дека САД размислуваат за воведување санкции за Кабаева, но постоеше загриженост дека таквиот потег ќе поттикне тензии со оглед на нејзината блискост со Путин.
Таа претходно беше на црната листа на ЕУ и Обединетото Кралство.
Покрај Кабаева, на списокот на американските санкции има и бројни олигарси, голема компанија за челик и две нејзини подружници, како и финансиска институција обвинета за водење „операции за затајување санкции“, а генералниот директор на таа институција е и на листата.
Сите информации поврзани со најновите случувања со војната во Украина можете да ги прочитате/kumanovskimuabeti.mk/
