СЕ ВКЛУЧИ И АРМИСКИ ХЕЛОКОПТЕР Пожарот кај Фурка се шири

news

Пожарот кај село Фурка помеѓу општина Дојран и Богданци е активен и добива посериозен интензитет. Се движи од брана Паљурци кон планината Карабалија по регионалниот пат Богданци – Дојран во ширина од 300 до 400 метри. Гори деградирана шума-прнар, а на места има и борова шума.

Advertisement

Центарот за управување со кризи информира дека поради сериозноста на пожарот, ветерот, брзината на движење и променливиот правец кој веќе неколку пати ја менува насоката и го опфати и сртот на ридот помеѓу Богданци и Дојран, а е непристапен и тежок терен без патна инфраструктура, градоначалниците на двете општини преку ЦУК упатија барање за ангажирање хеликоптер на Армијата. На барањето е позитивно одговорено, и армиски хеликоптер е упатен кон Богданци.

На терен се и пожарникари, противпожарни возила и вработени од шумските стопанства од Гевгелија, Дојран, Кавадарци и од Валандово, како и припадници на МВР.
Плусинфо напладне објави дека гори нискостеблеста шума близу селото Фурка во дојранско, на рид под касарната над селото. Во гаснење на пожарот беа вклучени и две пожарникарски возила.

Advertisement

Leave a Reply

Your email address will not be published.