Српскиот претседател Александар Вучиќ синоќа добил јасна порака од офицер на Генералштабот, смета Томас Тајнер, поранешен припадник на италијанската војска и експерт за копнени сили на НАТО и одбранбена стратегија на Алијансата, објави белградски Данас
„Мислам дека офицерите на Генералштабот на Србија синоќа му објаснија на претседателот Вучиќ дека доколку се осмели да го нападне Косово, борбените авиони на НАТО ќе реагираат во рок од неколку часа… Во рок од 48 часа 173-та воздушно-десантна бригада на Армијата на САД ќе биде авионски префрлена на аеродромот во Приштина, а падобранската бригада на италијанската армија „Фолгоре“ по воздушен пат до аеродромот Ѓаковица (кој италијанската армија го изгради за оваа намена)“, пишува Тајнер.
Тајнер понатаму на Твитер наведува дека еден ден подоцна ќе биде активирана механизирана бригада на италијанската армија „Пинероло“, која се наоѓа во Бари и неговата околина, и ќе биде испратена од 3-та поморска дивизија на италијанската морнарица со своите амфибиски бродови од Бриндизи до Драч во рок од 2 дена.
Од Драч до Митровица, вели тој, на „Freccia IFVs“, борбено возило на моторизираната бригада Пинероло и на уништувачите на тенкови „Centauro“ ќе им требаат шест часа за да стигнат благодарение на автопатот А1, кој е кофинансиран од Западот.
I think last evening Serbia's General Staff officers explained to President Vučić that if he orders to attack Kosovo NATO fighter jets would appear over Serbian forces within hours and start bombing them… and within 48 hours the US Army's 173rd Airborne Brigade would be
1/4 pic.twitter.com/9QkAYROmOi— Thomas C. Theiner (@noclador) August 1, 2022
Накратко, заклучува овој експерт, НАТО има планови и тренира за одбрана на Косово 23 години.
„Ако Србите некогаш отидат и го нападнат НАТО, силите на Алијансата би ги надминале во воздух за неколку часа, а на земја за неколку дена. А НАТО се погрижи тоа да го знаат генералите на Србија“, заклучува тој./slobodenpecat.mk/
