Жена по грешка добила 10 милиони долари од крипто гигант, требало да ѝ префрлат само 100

Компанијата – која еднаш му платила на актерот Мет Дејмон голема сума за реклама за Супер Боул во која тој ја изговара репликата „богатството ги следи храбрите“ – открила дека случајно префрлила вистинско богатство на сметката на Теваманогари Манивел од Мелбурн во декември 2021 година, и тоа седум месеци по направената грешка, пишува Гардијан.
Компанијата Crypto.com која работи во Австралија под името Foris GFS наместо 100 долари уплатила 10,5 милиони. Дополнително, по грешка внеле погрешен број на сметка, па парите завршиле на сметката на Манивел.
Компанијата започнала правен спор во Врховниот суд на државата Викторија оваа година, а во февруари било одобрено да се замрзне сметката на Манивел во Комонвелт банката, но поголемиот дел од парите веќе биле префрлени на други сметки – кои исто така биле подоцна замрзнати.
На судот му беше кажано дека 1,35 милиони долари од тие пари биле искористени за купување куќа со четири спални во Крегиберн на северот на Мелбурн во февруари, а сопственоста на имотот потоа била префрлена на името на сестрата на Манивел, Тилагавати Гангадори, која живее во Малезија.
На Гангадори во неколку наврати ѝ се судело да достави налози за замрзнување на нејзината сметка, но тие не успеале бидејќи таа никогаш не одговорила на е-пошта од адвокатите на Crypto.com. Единствената комуникација доставена до судот бил одговорот на е-пошта до адвокатот на Манивел кој едноставно одговорил: „Примено, благодарам“.
Исто така, адвокатот на жената го информирале Crypto.com дека нејзината сестра Гангадори „бара правен совет“.
Ова резултира со пресуда во корист на Crypto.com, според која на Гангадори ѝ било наложено да го продаде имотот што е можно поскоро и да ѝ ги врати на компанијата парите, како и камати и судски трошоци во износ од 27.369,64 американски долари.
Во јуни, Crypto.com објави дека отпуштила 260 свои вработени поради падот на пазарот на криптовалути. Но, Verge објави дека компанијата тајно отпуштила многу повеќе луѓе без да биде информирана останатата работна сила.
Падот на пазарот на криптовалути дојде само неколку месеци откако AFL објави петгодишно партнерство со Crypto.com за да стане „официјална платформа за размена и тргување на криптовалути во име на AFL и AFLW“ (AFL и AFLW се машка и женска австралиска фудбалска лига).
Crypto.com во мај соопштиле дека имаат намера да го почитуваат договорот до буква.
„Финансиите се добри, а тоа се повеќегодишни договори, кои ќе продолжат да играат клучна улога во нашата мисија да ја забрзаме транзицијата на светот кон криптовалути“, рече портпаролот на компанијата.