За една недела пријавени вкупно 347 случаи на грип, вели извештајот на ИЈЗ

Во текот на последната недела од 2022 година, во земјава се пријавени вкупно 347 случаи на заболени од грип или заболувања слични на грип, што е 96 отсто повеќе во споредба со неделата пред неа, објави Институтот за јавно здравје (ИЈЗ) во неделниот извештај за состојбата со грип во периодот од 26 декември до 1 јануари.

Во моментов на Инфективната клиника во најголем број случаи се хоспитализираат повозрасни лица, лица со хронични болести кои се третираат со соодветна терапија. Што се однесува до ковид позитивните случаи на Инфективната клиника, хоспитализирани се десет пациенти, дел од нив се на кислородна поддршка.