Изборен ден во четирите општини на северот на Косово
Во четирите општини на северот на Косово, Северна Митровица, Звечан, Лепосавиќ и Зубин Поток денеска се очекува да се одржат локални избори.Централната изборна комисија преку коминике ги информираше граѓаните со право на глас во четирите општини за 19-те локации на гласачките центри за вонредните избори на 23 април.Од нив 6 се редовни избирачки места со вкупно 6 избирачки места, додека другите 13 избирачки места се алтернативни со вкупно 28 избирачки места.Во овој ЛИНК можете да ги најдете 19-те гласачки места.Исто така, ЦИК нуди и можност преку пребарувачот https://eomp.kqz-ks.org/ да можат да го дознаат својот избирачки центар онлајн со запишување само на нивниот матичен број.
Според ЦИК, во овој пребарувач се ажурирани податоците на избирачкиот список согласно одлуката на ЦИК за одобрување на списокот на избирачки центри и нивните локации од 14 април 2023 година. На 23 април граѓаните со право на глас во четирите општини на северот на Косово, населени со мнозинство Срби – Северна Митровица, Лепосавиќ, Звечан и Зубин Поток ќе ги избираат новите градоначалници. Во меѓувреме и во Лепосавиќ и Звечанe ќе се гласа за новиот состав на општинските собранија.Европската унија побара вонредните локални избори на северот на Косово да поминат мирно и сите партии да се воздржат.На 5 ноември 2022 г. оставки поднесоа градоначалниците на Северна Митровица, Лепосавиќ, Звечан и Зубин Поток од Српската листа, кои заедно со општинските собранија и други претставници од безбедносниот и правосудниот сектор ваквата одлука ја донесоа во знак на незадоволство од одлуката на Владата на Косово, која ги обврза Србите да ги заменат регистарските таблички на нивните автомобили, издадени од Србија, со оние на РКС – Република Косово.
