Украинскиот претседател Володимир Зеленски изјави дека е „тешко да се каже“ дали ризикот од руска употреба на нуклеарно оружје е зголемен по последните успеси на украинската војска, но дека останува убеден дека рускиот претседател Владимир Путин нема да преживее ваква ескалација на непријателства.
Зеленски, исто така, рече дека Путин разбира дека „светот никогаш нема да му прости“ доколку се одлучи на нуклеарен напад.
Портпаролката на руското Министерство за надворешни работи, Марија Захарова, во четврток предупреди дека Западот „поттикнува“ нуклеарна војна и дека украинскиот претседател Володимир Зеленски може да биде искористен за уништување на планетата.
Михајло Подољак, советник на претседателот на Украина, ја коментираше изјавата на Захарова.
„Уште една руска лага. Зеленски не кажа ништо за нуклеарен напад врз Русија. Зеленски потсети на нуклеарната уцена од Русија и предложи превентивно да се наведат последиците за Русија и да се интензивираат нападите врз неа во форма на санкции и вооружена помош за Украина“, напиша Подољак.
