Млад битолчанец крадел во пекара и книжарница. Фатен на дело

news
Advertisement

Малолетник од Битола бил лишен од слобода, бидејќи е осомничен дека е извршител на повеќе кражби низ Скопје.

Advertisement

Од МВР со детали за неговото приведување:

-На 22.09.2022 во 22.00 часот на бул.„Кузман Јосифовски Питу“ во Скопје, полициски службеници од Единицата за внатрешни работи – Одделение за криминалистчки работи Аеродром и Кисела Вода лишиле од слобода малолетник од Битола, поради сомнение дека е извршител на повеќе кривични дела. Тој се сомничи дека на 20.06.2022 извршил „тешка кражба“ во пекарница на ул.„Мајски цвет“, при што одзел пари, на 17.09.2022 извршил „кражба“ во книжарница на бул.„Кузман Јосифовски Питу“, при што одзел паричник, на 20.09.2022 одзел електричен тротинет на ул.„Никола Малешевски“ и на 22.09.2022 извршил две „кражби“ во продажен објект на ул.„Варшавска“, при што одзел два паричника, додека од приватна медицинска установа одзел ранец со пари и лични документи. – стои во соопштението на МВР.

Кај него, исто така бил пронајден и тротинет, купен со пари кои потекнуваат од кривичните дела, картички од кражба во приватна лабораторија, како и други предмети за кои постои сомнение дека потекнуваат од кривични дела.

Малолетникот бил придружван и од уште еден малолетник, кој кој претходно бил пријавен дека се оддалечил од домот, а потоа бил вратен на старателот. Од МВР го документираат случајот и додаваат дека е известен Јавен обвинител.

Малолетникот бил предаден на социјален работник од Центарот за социјални работи Битола, по што ќе следува и пријава.

Advertisement

Leave a Reply

Your email address will not be published.