Млад скопјанец бил алчен, а не многу умен – нашол паричник и со личната карта подигнал пари на шалтер во банка

24-годишен скопјанец доби кривична пријава откако нашол паричник на улица и со личната карта која била внатре, отишол во банка и подигнал пари, соопшти полицијата.

„Единицата за економски и компјутерски криминал при СВР Скопје поднесе кривична пријава против Е.Б.(24) од Скопје поради постоење основи на сомнение за сторено кривично дело „злоупотреба на службена положба и овластување”. Пријавениот, во мај 2022 година пронашол паричник и со личната карта на оштетеното лице на шалтер од банка успеал да подигне 15.600 денари од трансакционата сметка“, се вели во полицискиот билтен.

По преземени мерки и активности, тој бил идентификуван, додаваат од МВР.