Можеби мислевте дека логото на Apple на задниот дел од телефонот нема никаква друга функција освен естетска, но ќе згрешите. Ова „јаболко“ и всушност целата задна страна на телефонот може да се постави така што ќе стане кратенка за, да речеме, слика од екранот или повикување на одреден број, ако го допрете два или три пати, пишува магазинот City.
Корисник на TikTok направи видео во кое го открива ова „скриено копче“ на iPhone, кое брзо стана вирално и достигна милиони прегледи.
Постојано погрешно го користите вашиот iPhone ако не знаете за опцијата Back Tap“, напиша таа покрај видеото.
„Back Tap“, како што се нарекува функцијата, не се вклучува автоматски на телефонот, па мора да преземете неколку чекори за да го претворите логото во тајно копче. Еве што треба да направите:
– Отворете Settings на вашиот iPhone
– Допрете Accessibility
– Допрете Touch
– Допрете Back Tap на дното
– Допрете Double Tap
– Изберете ја саканата кратенка што ќе се појави кога двапати ќе го допрете „јаболкото“
– Сега допрете на Triple Tap
– Изберете ја саканата опција што ќе се појави кога тројно ќе го допрете логото.
