На Србија од денеска и се забранува увоз на руска нафта преку хрватскиот гасовод Јанаф. Оваа ненадејна последица е стапувањето во сила на новиот пакет санкции на Европската унија против Русија, со оглед на тоа што Србија, за разлика од некои европски земји, не доби изземање. Експертите се согласуваат дека нема причина за страв од недостиг, но возачите веќе се во паника, со оглед на можноста другите земји производители на нафта да ја искористат можноста да ги зголемат цените сега.
Министерката за рударство и енергетика Дубравка Ѓедовиќ изјави дека и покрај тоа што ЕУ става рампа на руската нафта, што значи дека има забрана за Србија, тоа нема да биде проблем со оглед на тоа што Србија увезла најголеми количества нафта од земји кои не се под санкции, како Иран и Казахстан.
Експертот за енергетика Милош Здравковиќ изјави дека тоа што Србија веќе не може да увезува нафта од Русија навистина не е проблем, бидејќи оваа земја до сега не ни била главен извор на снабдување.
