Поднесени 1.300 амандмани: Левица вели дека нема да дозволи поткуп на медиуми

Партијата Левица вели дека со 1.300 амандмани блокираат поткуп на медиуми.

Според нив, Левица нема да дозволи власта да ги корумпира медиумите и да ги троши државните пари за поткуп во своја корист.

„Пратениците на Левица, Димитар Апасиев и Борислав Крмов поднесоа вкупно 1.300 амандмани до собраниската архива за новиот Закон за аудиовизуелни медиумски услуги со кој треба да се помогне недемократското и авторитарно дејствување на властите“, соопштија од партијата.

Претходно, од партијата истакнаа дека премиерот Димитар Ковачевски оди по стапките на поранешниот македонскиот премиер Никола Груевски со оваа практика. Сметаат дека целта е да го задушат јавниот простор и слободната мисла.