Неделава почнуваат консултациите за уставните измени откако шефот на дипломатијата Османи веќе информираше дека оваа недела треба да се формализира процесот со јавни дебати, консултации, но и учество на експерти.
Власта но и опозицијата ги фрлија ракавиците. Мицкоски и денеска со порака дека 2023та ќе биде изборна година и дека се многу блиску до долго најавуваниот број на 61 пратеник за распуштање на законодавниот дом и распишување на предвремени избори.
Од СДСМ пак и денеска велат изборите ќе бидат во редовен термин догодина.
И додека власта и опозицијата во новата година влегуваат со своите барања заедничко НЗС експертите велат може да биде привремена широка коалициска влада за пристапување и отварање на уставот, а не ја изклучуваат можноста потоа да се оди на предвремени избори кон крајот на годината или евентуално почетокот на наредната.
Дали уставните измени ќе бидат мостот и до предвремени избори останува да се види престојниот период како и тоа колку лидерите се спремни да направат отстапки од едното за да дојдат до другото. Она што е познато е дека Мицкоски пак собираше нотарски заверени потписи дека неговите пратеници во собранието нема да поддржат отварање на уставот но и минатата година тврдеше дека се блиску до 61 пратеник за распуштање на Собранието иако тоа не се случи.
Ковачевски и Ахмети пак тврдат предвремени избори нема да има и дека поприоритетни се уставните измени, но како ќе дојдат до 80 пратеници немаат одговор засега. Партиите од албанскиот опозициски блок пак велат кога и да се одржат парламентарните избори спремни се за трка.