Потона белградски сплав на новогодишната ноќ

Сплавот „Фристајлер“ во Белград е евакуиран за време на новогодишната прослава.

Како што пренесува српски Телеграф, сплавот наводно бил евакуиран само неколку минути по полноќ.

Покрај полициските единици, на терен се и три екипи на Брза помош, како и 10 пожарникари кои помогнале во евакуацијата.

Исто така, во медиумите се појавија информации дека наводно имало пукање, но се испоставило дека станува збор за огномет.

-Добивме информација дека има тепачка и дека сплавот тоне, не знаеме дека имало пукање – велат за „Блиц“ од итната помош.