ПочетнаВестиРазрешувањето на директорот на Управата за извршување санкции не значи дека е завршена работата, тврди Тупанчевски
ВестиМакедонија
Разрешувањето на директорот на Управата за извршување санкции не значи дека е завршена работата, тврди Тупанчевски
18.01.2023 19:34
Министерот за правда, Никола Тупанчевски во вечерашната Топ Тема на Телма не ја исклучи можноста истрагата за бегството на затвореникот Беким Мемети да резултира со уште разрешувања на директори, меѓу кои и на директорот на затворот „Идризово“, Шпенд Тахири. На вчерашната седница, владата веќе го разреши директорот на Управата за извршување санкции, Марјан Спасовски, а според Тупанчевски се разгледувале сите варијанти за барање одговорност по вертикална линија.
НЕ ЗНАЧИ ДЕКА ТУКА Е ЗАВРШЕНА ЦЕЛАТА РАБОТА, ЕДНОСТАВНО ТРЕБА ДА СЕ ОТКРИЈАТ, ДА СЕ СТИГНЕ ДО ДОКАЗИ КОЈ СЕ Е ИНВОЛВИРАН ВО ОВАА РАБОТА, ДУРИ И ФОРМАЦИСКИ. МОЖЕ ДА НЕМА ДИРЕКТНО ВЛИЈАНИЕ, ИЛИ ДИРЕКТНИ ИНГЕРЕНЦИИ ВО ОДНОС НА СЛУЧУВАЊАТА, МЕЃУТОА ДЕФИНИТИВНО, ПОНЕКОГАШ ТРЕБА ДА СЕ ПОНЕСЕ ОДГОВОРНОСТ И ВО ФОРМАЛНО ПРАВНА СМИСЛА НА ЗБОРОТ, ОДНОСНО ФОРМАЦИСКИ, РЕЧЕ ТУПАНЧЕВСКИ.
Запрашан дали владата оценила дека одговорноста на Тахири е помала од таа на Спасовски, Тупанчевски тврди дека не станува збор за оценување на поголема или помала одговорност, затоа што одговорноста би требало да биде по вертикална линија, од првиот до последниот, а тоа треба да го покаже истрагата.
КОЛКАВА Е ОДГОВОРНОСТА, ДАЛИ НЕКОЈ НАПРАВИЛ НЕНАМЕРНО, НАМЕРНО, СО УМИСЛА, ОД НЕБРЕЖНОСТ, ТОА ТРЕБА ДА ГО ДОКАЖЕ ИСТРАГАТА. СЕ РАЗБИРА ВО ВАКВИ СИТУАЦИЈА ПОНЕКОГАШ И НЕНАМЕРНИТЕ ПРОПУСТИ ИМААТ СЕРИОЗЕН ИМПАКТ, РЕЧЕ ТУПАНЧЕВСКИ.
Според него, нема сомнеж дека бегството на Мемети било добро организирана акција, која побарува исто толку добро организирана реакција од страна на државните органи.
СТАНУВА ЗБОР ЗНАЧИ ЗА ПРОМПТНО РЕАГИРАЊЕ ОД СТРАНА НА УПРАВАТА ЗА ИЗВРШУВАЊЕ НА САНКЦИИ, СО СПРОВЕДУВАЊЕТО НА ВОНРЕДНИОТ СТРУЧЕН НАДЗОР. ТОА ЗНАЧЕШЕ СУСПЕНДИРАЊЕ НА СИТЕ, ПРВИЧНО ШТО ИЗГЛЕДА ДЕКА СЕ ВКЛУЧЕНИ ВО ОДНОС НА ОВОЈ НЕМИЛ НАСТАН. ВТОРА РАБОТА КОЈА ШТО ИСТО ТАКА ТРЕБА ДА СЕ ПОДВЛЕЧЕ Е ДЕКА, ВО МЕЃУВРЕМЕ, ЗА ИСТИТЕ ТИЕ ЛИЦА ВЕЌЕ Е ОПРЕДЕЛЕНА МЕРКА ПРИТВОР И ТИЕ СЕ СУСПЕНДИРАНИ ОД СВОИТЕ РАБОТНИ МЕСТА. ТРЕТАТА РАБОТА, ИЛИ СЕГМЕНТ КОЈ ШТО Е КОМПЛЕМЕНТАРЕН НА ПРЕТХОДНИТЕ, Е ДЕКА Е РАСПИШАНА ОД СТРАНА НА МВР МЕЃУНАРОДНА ПОТЕРНИЦА ЗА ЛИЦЕТО КОЕШТО Е ВО БЕГСТВО. И ЧЕТВРТА РАБОТА, ТРЕБА ДА СЕ ПОСОЧИ ДЕКА И ОРГАНИТЕ НА ПРОГОНОТ, ВКЛУЧУВАЈЌИ ГО И ОЈО ЗА ОРГАНИЗИРАН КРИМИНАЛ, УЧЕСТВУВАА ВО ОТКРИВАЊЕТО НА СИТЕ ДОКАЗИ, КОИ ШТО СЕ ПОВРЗАНИ СО ОВОЈ НАСТАН. ТАКА ШТО ЗНАЧИ АКО ГИ ЗЕМЕТЕ ОВИЕ НЕКОЛКУ СЕГМЕНТИ КОИ ШТО ГИ НАБРОЈАВ ВО МОМЕНТОВ, РЕАКЦИЈАТА Е ИНИЦИЈАЛНА, МЕЃУТОА ТОА НЕ ЗНАЧИ ДЕКА ТУКА ЌЕ ЗАСТАНЕ, ВО ОДНОС НА ОВАА ОПШТЕСТВЕНА РЕАКЦИЈА, ЗАТОА ШТО ОЧЕКУВАЊАТА СЕ ДЕКА ОВОЈ КРИВИЧНО ПРАВЕН НАСТАН ИМА И ОДРЕДЕНИ РАБОТИ КОИШТО ДОПРВА ТРЕБА ДА СЕ ИСТРАЖУВААТ, РЕЧЕ ТУПАНЧЕВСКИ.
