Во раните утрински часови во Струга е спроведена полициска акција во која биле уапсени четири странски државјанки – три од Бразил и една од Перу – кои престојувале нелегално во земјата.
Според информациите од полицијата, вчера околу 7 часот наутро криминалистичките служби влегле во сместувачки објект каде ги затекнале девојките без валидни документи за престој.
При претресот, извршен со судска наредба, биле пронајдени и одземени марихуана, дробилка и други предмети поврзани со употреба на дрога.
Странските државјанки се приведени, а против нив ќе бидат поднесени соодветни пријави за нелегален престој и поседување дрога. Полицијата продолжува со истрагата за утврдување на дополнителни детали поврзани со случајот.
