Тешка сообраќајна несреќа се случи во периферијата на Равена, Италија, во близина на една од локалните каменоломи, кога два камиона се судрија директно додека се движеле во спротивни насоки. Во тешката несреќа животот го загуби 60-годишен маж од Северна Македонија, кој живеел во градот Луго.
Според првичните информации, едниот камион влегувал, а другиот излегувал од каменоломот во моментот кога дошло до силниот судар. Од ударот, македонскиот државјанин починал на лице место, додека едно лице е повредено и пренесено на болнички третман.
Италијанските служби за итни случаи веднаш излегле на терен, а полицијата работи на целосно расветлување на околностите под кои се случила несреќата.
