Најчеста грешка е што многумина се фокусираат само на храната, заборавајќи дека постот е пред сè духовна работа – смирување, простување и внатрешна промена. Божиќниот пост започнува на 28 ноември и трае до 6 јануари, но подготовките можат да почнат уште неколку дена порано.
Пред постот е важно да го успорите ритамот на животот, да избегнувате нервози и непотребни контакти и да размислите од што треба да се ослободите и што да промените во својот живот. Преиспитајте како се однесувате кон другите, дали дозволувате гнев или гордост да управуваат со вас, и обидете се да ги затворите отворените конфликти. Телото полесно ќе се прилагоди ако постепено намалувате месо, мрсна храна и алкохол и зголемите внес на зеленчук и лесни оброци.
Молитвата, читањето на псалми и духовна литература го смирува умот, го мекува срцето и подготвува душата за вистинска промена. Особено важна е искрената исповед кај свештеник, која не е формалност, туку разговор со совеста за да влезете во постот ослободени од тежината на гревовите. Добро е да си поставите лични духовни цели – да простувате повеќе, да зборувате помалку остро и да помогнете на оние што имаат потреба.
Кога подготовките се завршени – духовни, душевни и телесни – постот станува благослов, а не обврска, носејќи мир и духовно обновување пред Христовото Рождество.
