MJEKËT JAPIN ALARMIN: KJO ZAKON POPULLOR E RREZIKON ZEMRËN – DHE TË GJITHË E PRAKTIKOJMË!
Shëndeti i zemrës zakonisht lidhet me ushqimin – më pak mish të kuq, shmangie të sheqernave, alkoolit dhe tepër kripë. Por mjekët paralajmërojnë se rreziku i vërtetë për zemrën mund të fshihet tek një zakon i përditshëm, menjëherë pas drekës.
Kardiologët ngrenë alarmin: qëndrimi ulur për një kohë të gjatë pas ushqimit është një zakon që rrit ndjeshëm rrezikun e sëmundjeve të zemrës – madje edhe te njerëzit që ushtrojnë rregullisht.
Sipas kardiologut dr. Raghavendra Baliga, qëndrimi i zgjatur ulur ngadalëson qarkullimin e gjakut, rrit nivelin e sheqerit dhe i ngarkon enët e gjakut. Kolegu i tij, dr. Hashayar Hematpour, shton se kjo sjellje mund të shkaktojë tension të lartë, grumbullim të pllakave në arterie dhe kontroll më të dobët të peshës dhe sheqerit në gjak.
Të dhënat shkencore janë shqetësuese: burrat që qëndrojnë ulur më shumë se 23 orë në javë kanë deri në 82% rrezik më të lartë vdekshmërie nga sëmundjet kardiovaskulare krahasuar me ata që ulen më pak se 11 orë.
Mjekët ofrojnë një zgjidhje të thjeshtë: ecje 10 deri në 15 minuta pas drekës. Kjo lëvizje e shkurtër përmirëson qarkullimin, ul trigliceridet, stabilizon sheqerin në gjak dhe ul tensionin.
“Një ecje e shkurtër pas ushqimit funksionon si një rindezje për zemrën dhe metabolizmin,” shpjegon dr. Baliga.
Për ata që nuk kanë mundësi të dalin për një shëtitje, kardiologët rekomandojnë pauza të shkurtra prej 2–3 minutash – ngritje, shtrirje ose pak lëvizje çdo 30 deri në 60 minuta.
Sa më shumë të lëvizim gjatë ditës, aq më mirë. Efektet pozitive vërehen jo vetëm në trup, por edhe në gjendjen emocionale.
Mesazhi i specialistëve është i qartë: pas drekës – ngrihuni, ecni dhe lëvizni. Zemra juaj do t’ju falënderojë.