Abdixhiku thirrje mërgatës: “Ejani masivisht më 28 dhjetor”, në zgjedhjet e fundit lokale, Mërgata e vendosi LDK-në forcën e parë politike.
Kryetari i LDK-së, Lumir Abdixhiku, u ka bërë thirrje qytetarëve në mërgatë që të marrin pjesë masivisht në votimet e 28 dhjetorit.
Ai theksoi se mërgata ka dëshmuar vazhdimisht forcën e saj vendimmarrëse, duke kujtuar se në zgjedhjet e fundit lokale ishte pikërisht vota e tyre që e bëri LDK-në partinë e parë politike në vend.
Abdixhiku u bëri thirrje të gjithë bashkatdhetarëve që edhe këtë herë të angazhohen për të përcaktuar drejtimin e ri të vendit.
