Pas rikthimit në kryesinë qendrore të Bashkimit Demokratik për Integrim, Nevzat Bejta, ka folur për punën që ka bërë ai në të kaluarën kur ka ushtruar funksione publike. Bejta, mbrëmë në emisionin “Klan Debat”, tha se BDI-ja dhe çdo parti ka nevojë për njerëz me njohuri si ai.
“Unë bëj pjesë në grupin e anëtarëve me përvojë. Më mirë të them me njohje. Çdo partie, jo vetëm Bashkimi Demokratik për Integrim, i nevojiten anëtarë me njohuri. Edhe unë e kam atë njohuri sepse e kam krijuar nga periudha e shkuar që kam qenë në të gjitha postet drejtuese. Kam qene kryetar komune dy mandate, kam qenë ministër, kam qenë deputetë i Kuvendit të Republikës së Maqedonisë së Veriut. Në të gjitha funksionet që kam qenë, kam pasur rezultate të mëdha. Në pushtet lokal qytetarët e Gostivarit edhe sot e kësaj dite flasin për punët e mia, që i kam bërë për të mirën e Gostivarit dhe qytetarëve të saj”, tha mes tjerash Bejta.
