Joaquín “El Chapo” Guzmán po përpiqet që të dalë nga burgu. Ai ka kërkuar një procedurë të re për t’u gjykuar, sipas dosjes 09-CR-466. Capo është duke vuajtur një dënim të përjetshëm në një nga burgjet më të sigurta në botë, burgjet e Shteteve të Bashkuara, Institucioni Maksimal Administrativ ose e njohur ndryshe ‘ADX Florence’.
Bashkëthemeluesi i kartelit Sinaloa, sado e pamundur të duket, kërkoi të lirohej menjëherë, duke argumentuar për parregullsi në procedurat e transferimit të tij nga Meksika në Shtetet e Bashkuara. Ndër parregullsitë e përmendura nga ‘capo’ është edhe refuzimi për të kërkuar të drejtën e tij për ndihmën efektive të një avokati. Çuditërisht, dokumenti është nënshkruar vetëm nga El Chapo dhe avokati i tij, Mariel Colón Miró.
Joaquín Guzmán Loera, i njohur më mirë si “El Chapo”, është ndoshta trafikanti më i njohur i drogës që ka parë ndonjëherë Meksika. Për më shumë se 30 vjet, Guzmán Loera trafikoi tonelata droge nga Amerika Qendrore në Meksikë dhe prej andej në Shtetet e Bashkuara dhe Kanada. Ai e bëri atë në çdo mënyrë të mundshme: në anije peshkimi, aeroplanë të krijuar për të shmangur radarët, makinat e pasagjerëve, trenat e mallrave, nëndetëset, traktorët, madje dhe tunelet.
Megjithëse lideri i kartelit të fuqishëm Sinaloa ndodhet në burg në Shtetet e Bashkuara duke vuajtur një dënim të përjetshëm, trashëgimia e tij është rrënjosur në mesin e një pjese të popullsisë së Culiacán, të cilët edhe festojnë ditëlindjen e tij.
Guzmán Loera u ekstradua në Shtetet e Bashkuara në janar 2017, kur u zhvilluar edhe i ashtuquajturi “gjyqi i shekullit”, gjatë të cilit dëshmuan trafikantë të tjerë droge nga Meksika dhe Kolumbia që zbuluan shumë të reja rreth kartelit Sinaloa.