Ekzistojnë tre lloje të Covid-it të zgjatur: Secili me grupin e vet të simptomave

Shkencëtarët britanikë pretendojnë se ekzistojnë tre lloje të ndryshme të Covid-it të zgjatur, secila me grupin e vet të simptomave. Shkencëtarët hetuan specifikat e 1.459 pacientëve me Covid të zgjatur, të cilat autorët e studimit i përcaktojnë si ndjenja simptomash për të paktën 84 ditë pas infektimit, raporton Lajmet Mjekësore Sot.

Ata zbuluan, pretendojnë ata, se njerëzit me Covid të zgjatur mund të klasifikohen në tre grupe bazë.
Ata me simptoma neurologjike si lodhja, mjegulla e trurit dhe dhimbje koke bëjnë pjesë në grupin e parë. Këto simptoma më së shpeshti gjenden te njerëzit që janë infektuar me variantet alfa dhe delta.

Në grupin e dytë bëjnë pjesë ata me simptoma respiratore, duke përfshirë dhimbje gjoksi dhe gulçim. Kjo u përjetua më së shumti nga njerëzit që ishin të infektuar me variantin origjinal të virusit nga Wuhan.
Në grupin e tretë, simptomat janë të ndryshme dhe përfshijnë rrahjet e zemrës, dhimbjet e muskujve dhe ndryshimet e lëkurës, thonë shkencëtarët nga King’s College në Londër.
“Të dhënat e kërkimit tregojnë qartë se Covid-i i zgjatur nuk është unik, por ka disa nëntipe,” vuri në dukje autori kryesor Dr. Claire Stevens, duke shtuar se “të kuptuarit e agjentit shkaktar dhe nëntipet mund të ndihmojë në personalizimin e diagnozës dhe trajtimit”.