БИТОЛА – Полициските службеници од СВР Битола ноќеска привеле 19-годишен тинејџер од селото Логоварди, кој бил фатен пијан додека управувал возило на улицата „Новачки пат“ во Битола.
Инцидентот се случил во 02:19 часот, кога полицијата го запрела патничкото возило марка „Голф“ со битолски регистарски таблици. При извршената контрола било утврдено дека возачот А.М. управувал под дејство на алкохол, со измерени 1,64 промили во крвта.
Полицијата веднаш го отстранила од сообраќај, а по целосното документирање на случајот против него ќе биде поднесена кривична пријава за „безобѕирно управување со моторно возило“, казниво по член 297-а од Кривичниот законик.
Според полицијата, акциите за засилени контроли на возачи под дејство на алкохол продолжуваат и во наредните денови, со цел зголемување на безбедноста во сообраќајот.
