Mira Xhixha
Mjeke alergologe
×
Zestradar
Debunking The Myth: What Ostriches Really Do When They’re Scared
Nëse nuk tregohen të kujdesshëm, asmatikët mund të kalojnë një verë me probleme. Arsyet? Nën ndikimin e temperaturave të larta dhe rrezatimit diellor rritet sasia e ndotësve dhe i komponentëve në ajër të tyre, të cilët ndikojnë direkt në shpërthimin e krizave dhe rëndimin e astmës. Në një intervistë për gazetën “Shendet Plus” mjekja alergologe Mira Xhixha, jep disa këshilla se si personat që vuajnë nga astma bronkiale mund të përballojnë stinën e verës pa probleme:
Doktoreshë, është e vërtetë që stina e verës, shton problemet te personat që vuajnë nga astma bronkiale?
Po është e vërtetë që ekspozimi ekstrem ndaj temperaturave ambjentale të larta bëhet shkak për ccrregullime të funksioneve fiziologjike të aparatit të frymëmarrjes, por edhe atij kardiovaskular e nervor. Kur ky eskpozim është akut dhe me intensitet të lartë, çrregullimet fizologjike shkojnë deri me konvulsione, të fikët, axhitim, atak kardiak dhe goditje nga dielli. Këto reagime janë në varësi dhe të ekspozimeve të mëparshme, adoptimit fiziologjik që është individual, në bazë të moshës dhe gjendjes shëndetësore të pacientit. Personat që janë banorë të zonave urbane janë më të ndjeshëm ndaj këtij fenomeni sesa banorët e zonave rurale. Kur temperaturat rriten, atëherë sistemi kardiak dhe ai respirator ka impakt më të madh. Ditët e ngrohta dhe me diell bëhen shkak i rëndimit të një të sëmuri me astmë bronkiale apo dhe shpërthimin e krizave të kësaj sëmundjeje.
