Në këto pesë vite kemi dëshmuar se kur institucionet vendosin sundimin e ligjit në qendër të agjendës së tyre, rezultatet nuk mungojnë. Kemi çmontuar mbi 900 banda kriminale, duke goditur rrjetet që për vite të tëra kanë rrezikuar sigurinë e qytetarëve tanë dhe kanë cenuar funksionimin e shtetit.
Ky progres nuk ka qenë i lehtë. Ka kërkuar vendosmëri, bashkëpunim institucional dhe përkushtim të pandërprerë nga të gjitha agjencitë e sigurisë. Sot, më shumë se kurrë, jemi të përkushtuar që të vazhdojmë këtë rrugë—një rrugë që garanton një Kosovë më të sigurt, më të drejtë dhe më të fortë.
Lufta kundër krimit të organizuar nuk përfundon këtu. Çdo hap që kemi bërë është një mesazh i qartë: askush nuk është mbi ligjin, dhe shteti i së drejtës do të mbetet themeli i Republikës sonë.
