Marrëveshja strategjike e Shqipërisë me industrinë izraelite të mbrojtjes “Elbit Systems”, e cila përfshin furnizime me armatime, kredi shtetërore dhe ngritjen e një fabrike ushtarake, ka ndezur alarmin në Ankara, e cila e sheh këtë si një lëvizje të drejtpërdrejtë kundër interesave turke.
Marrëdhëniet mes Shqipërisë dhe Turqisë po kalojnë periudhën më të tensionuar që nga afrimi i Edi Ramës me Rexhep Taip Erdoganin.
Shkaku i acarimit është se marrëveshja me “Elbit Systems” shihet si një lëvizje e drejtuar nga Uashingtoni dhe si thyerje e boshtit Rama-Erdogan në rajon.
Pakt i thellë strategjik:
Marrëveshja me Izraelin nuk është vetëm kontratë blerjeje. Ajo parashikon:
Furnizimin e Shqipërisë me armatime të avancuara, si obuzë të tipit “ATMOS” dhe dronë taktikë “Magni” e “Thor” (homologë të Bayraktarëve turq).
Kredi shtetërore të garantuar nga qeveria izraelite përmes agjencisë ASHRA.
Ngritjen e një industrie të përbashkët ushtarake në territorin shqiptar (në uzinat e Gramshit dhe Poliçanit), ku Shqipëria do të prodhojë municione dhe topa.
Zemërimi i Erdoganit dhe paralajmërimi:
Ky vendim ka acaruar Ankaranë, pasi Turqia kishte propozuar më herët një bashkëpunim të ngjashëm për prodhimin e dronëve Bayraktar, projekt që Rama e refuzoi në heshtje.
Turqia ka kërkuar sqarime zyrtare për marrëveshjen, duke e cilësuar si “akt jo miqësor” dhe shkelje të frymës së partneritetit strategjik.
Sipas burimeve, në qarqet e Ankarasë, Rama shihet si politikisht i lëkundur dhe i papërgjegjshëm, pasi po e zhvendos Tiranën përfundimisht në boshtin izraelito-amerikan.
Kjo marrëveshje sinjalizon fundin e një aleance politike 12-vjeçare, duke e kthyer Shqipërinë nga aleate e Turqisë në rivale gjeopolitike.
