Trumza – Vetitë, Përfitimet Dhe Si Ta Përdorni Më Mirë Në Kuzhinë

Trumza, kjo bimë mesdhetare shumë aromatike i përket familjes Lamiaceae, ku përfshihet edhe nenexhiku.
E përkryer për t’u rritur si në kopësht ashtu edhe në ballkon, ajo pasuron ushqimet me aromën e saj karakteristike por edhe trupin tuaj me vlera të pazëvendesueshme.
Më poshtë AgroWeb.org ju njeh me vlerat që i fal organizmit dhe mënyrat e përdormit në kuzhinë.
Vetitë e trumzës
E quajtur ndryshe edhe Thymus vulgaris, është një bimë me degë të me gjethe jeshile në gri, ndërsa lulja e saj ka një ngjyrë karakteristike rozë në lejla.
Ajo përmban shumë lëndë ushqyese si: beta-karoteni dhe vajra esencialë që kanë funksione antioksiduese.
Gjithashtu është e pasur edhe me disa vitamina, veçanërisht ato të grupit B, por edhe vitaminë C, E dhe K.
Bima siguron një nivel të lartë të kripërave minerale kryesisht kalcium, hekur, fosfor dhe magnez, të dobishme për kockat dhe sistemin nervor.
Gjithashtu interesant është niveli i lartë fibrave dhe proteinave.
Përfitimet
Falë lëndëve ushqyese, trumza ka disa përfitime për trupin tonë.
Në veçanti, vaji esencial i saj përdoret për trajtimin e kollës së vazhdueshme dhe bronkitit.
Falë antioksidantëve që përmban edhe nëse konsumohet si bimë, trumëza ndihmon për trajtimin e bronkitit, faringjitit, nazofaringjitit dhe sinusitit.
Për më tepër, ka funksion mbrojtës për fytin dhe kordat vokale.
Trumëza është në gjendje të ndihmojë mëlçinë në procesin e eliminimit të kolesterolit.
Është e dobishme në trajtimin e infeksioneve të rrugëve të frymëmarrjes, falë veprimit antibacterial.
Si një antimikrobik, është në gjendje të luftojë puçrrat, aknet dhe inflamacionet e lëkurës.
Gjithashtu përmirëson rrahjet e zemrës, duke ndihmuar në normalizimin e presionit të gjakut.
Si rritet
Trumza është një bimë mjaft e lehtë për t’u rritur, si në ballkon ashtu edhe në kopsht.
Ajo preferon mjedise të ngrohta, pothuajse të thata dhe tokë me gurë e cila nuk e ruan lagështinë.
Koha më e mirë për ta mbjellë është pranvera.
Kërkon ujitje të shpeshtë kur është shumë e re, dhe pasi arrin madhësinë mesatare, ujitet vetëm kur toka është shumë e thatë.
Nuk rritet mirë në mot të ftohtë dhe me ngrica.
Si të përdorni në gatim
Trumza është një barishte aromatike shumë e gjithanshme, e cila shkon shumë me lloje të ndryshme pjatash.
Një nga përdorimet më të zakonshme është tek peshku i gatuar në furrë ose në tigan, të cilit i jep aromën unike.
Shpesh përdoret edhe për të aromatizuar patatet e pjekura, së bashku me rozmarinën.
Kjo bimë është gjithashtu shkëlqyer edhe për lloje të ndryshme mishi.
Ideale për aromatizimin e sallatave, pjatave me bazë bishtajash, perimeve verore si domatet, kungujve të njomë, patëllxhanëve dhe specave.
Aroma e saj mund të pasurojë pasurojë salcat e ndryshme.
Dhe nëse shtoni pak trumzë në një sallatë frutash të freskët, ajo do t’i japë ëmbëlsirës një shije të veçantë.
Si të përgatisni çajin e trumzës
Një çaj bimor shumë i dobishëm në rast se keni kollë, problemeve bronkiale, gëlbazë, por edhe për stimulimin e sistemit tretës.
Për të përgatitur çajin e trumzës mund të përdorni si lulet ashtu edhe gjethet e thara.
Për ta përgatitue vendosni 2 gram gjethe në 200 ml ujë të vluar, lëreni të ziejë për rreth dhjetë minuta. Kullojeni dhe shoqërojeni me pak mjaltë./AgroWeb.org