Авион со 49 патници се урна над Русија

Руски патнички авион со 49 лица, кој исчезна за време на летот, е пронајден урнат во источниот дел на Русија, во близина на границата со Кина. Според првичните информации, нема преживеани.

Станува збор за авион од типот Ан-24 на авиокомпанијата „Ангара“ со седиште во Сибир, кој летал кон градот Тинда, но исчезнал од радарите додека прелетувал над регионот Амур.