Александар Николовски, претседател на Универзитетското студентско собрание на УКИМ и Националното студентско тело: Кампањата ‚‚Никогаш повеќе сама‘‘ на dm дрогерие маркт е борба за праведност и почит кон здравствените и личните права на студентките

Студентите се иднината на нашата земја. Токму затоа, важно е да им се посвети поголемо внимание на предизвиците со кои тие се соочуваат, но и да бидат слушнати нивните барања и потреби. Еден од предизвиците за дел од нив, за студентките, е потребата за подобра менструална правда. На оваа тема разговаравме со Александар Николовски, претседател на Универзитетското студентско собрание при Универзитетот „Св. Кирил и Методиј“ во Скопје, кој воедно е претседател и на Националното студентско тело. Николовски го сподели со нас своето мислење и поддршка за кампањата „Никогаш повеќе сама“.