Вкупно 11 јавни обвинители работат на истрагата за пожарот во Кочани, ќе се испитуваат над 300 сведоци

Истрагата за трагичниот пожар во Кочани се проширува со ангажирање на вкупно 11 јавни обвинители, кои интензивно работат на утврдување на причините и можната одговорност за несреќата, информираат од ОЈО.

Според планот на активностите, обвинителството најави распит на повеќе од 300 сведоци, како и спроведување на соодветни вештачења од повеќе области.