До 15 септември сите службени возила ќе имаат таблици во боја, и граѓаните ќе може да пријавуваат неправилности

Сите државни институции и јавни правни лица имаат обврска најдоцна до 15 септември 2025 година да ги заменат регистарските таблици на службените возила со нови, специјални таблици во боја. Оваа одлука е донесена на вчера одржаната владина седница, по иницијатива на директорот на Службата за општи и заеднички работи, Ивица Томовски.