Масовна тепачка во Скопје  – осум лица приведени, двајца завршиле со тешки повреди

Осум лица од Скопје биле приведени во Полициската станица Бит Пазар, откако на 16 август околу 19 часот на улица „Славеј планина“ дошло до масовна тепачка.

Според информациите од МВР, учесниците меѓусебно се пресметувале користејќи тврди и остри предмети. Во инцидентот со тешки телесни повреди се здобиле двајца скопјани – С.Д. (33) и А.Д. (27), додека уште неколку други лица претрпеле полесни повреди.