Пејачката Зуица Лазова ги изненади своите следбеници со објава на ретка семејна фотографија, на која позира со синот Стефан. Идиличната сцена е снимена покрај езеро, каде мајка и син уживаат во заедничките моменти и природниот амбиент.
Стефан, кој е далеку од очите на јавноста, очигледно го наследил музичкиот талент од своите родители. На неговиот профил на социјалните мрежи може да се види видео во кое пее, и тоа, како што коментираат следбениците, со голема вештина. Иако сè уште не се занимава професионално со музика, ентузијазмот и потенцијалот се очигледни.
За разлика од него, ќерката на Зуица и Наум Петрески, Македонка, веќе чекори по професионален музички пат. Таа го школувала својот глас и студирала соло пеење на Факултетот за музичка уметност.
Очигледно е дека музиката останува силна нишка што го поврзува целото семејство Лазова–Петрески.
Фото: Инстаграм
РЖМ – Г.Д.Г
