Митовски: Крива Река е опасна за животот на луѓето, загадени и земјоделските насади, бараме кривична одговорност

Во согласност со извештајот на акредитирана лабораторија „Техно лаб“ во Скопје, водата во Крива Река, по земените примероци, еден ден по хаваријата во рудникот Ораница е сериозно загадена и претставува опасност за животот и здравјето на луѓето долж течението на реката, но и на флората и фауната. Ова го истакна градоначалникот на Општина Крива Паланка, Сашко Митовски.