Муцунски ја поздрави одлуката на САД за намалување на тарифите кон Македонија: Финализираме договор што ќе ги отстрани преостанатите трговски бариери

Министерот за надворешни работи и надворешна трговија, Тимчо Муцунски денеска ја поздрави одлуката на САД за значително намалување на тарифите за македонски производи – од 33% на 15%.

Како што истакна во објавата на социјалните мрежи, овој чекор претставува важен поттик за продлабочување на економската соработка меѓу двете земји и јасен сигнал за градење на поамбициозно трговско партнерство.