Николоски: Во Договорот нема одредба за мигрантски кампови, најдобар одговор даде британскиот амбасадор

Вицепремиерот и министер за транспорт Александар Николоски вечерва соопшти дека следната недела во Лондон ќе се потпише Договорот за стратешко партнерство со Обединетото Кралство, по принцип Влада со Влада. Запрашан дали се вистинити пишувањата за кампови во земјава за мигрантите кои се одбиени за азил во Британија, Николоски посочи дека нашите услови за Договорот се одамна дефинирани и преговорите се завршени.