Нова соработка меѓу УНДП и МЖСПП: 6.74 милиони долари за борба против климатските промени и заштита на природата

Првиот вицепремиер и министер за животна средина и просторно планирање, Изет Меџити, најави нова фаза на соработка меѓу Министерството и УНДП, со вкупна вредност од 6.74 милиони американски долари. Соработката е дел од осмата фаза на проектите поддржани од Глобалниот еколошки фонд (GEF), и има за цел конкретни и мерливи резултати во борбата против климатските промени и деградацијата на животната средина.