По пауза од 17 години од март директни летови до Амстердам со „Трансавија“

Директна авионска линија ќе се воведе во март месец од Скопје до Амстердам. Аеродромот „Схипхол“ и скопскиот аеродром ќе бидат поврзани со нискобуџетната авиокомпанија „Трансавија“.

Македонската и холандската престолнина се поврзуваат после пауза од 17 години, односно од 2008 година, пишува Екс-Ју авијација. Билетите веќе се достапни за купување на веб-страницата на авиокомпанијата.