Првпат лице со попреченост е носител на листа за Советот на Град Скопје – Коалицијата за зелена иднина ги претстави листите за советници

На вчерашната прес-конференција, Коалицијата за зелена иднина, формирана од Зелената партија ДОМ, Движењето за демократија, права и слобода (ДПС) и локални активисти и иницијативи, ја претстави листата за претстојните локални избори и ја нагласи историската одлука на македонската политичка сцена – првпат лице со попреченост, Ана Карајанова-Димитрушева, е носителка на листата за Советот на Град Скопје.