Расчистени две големи диви депонии во Ѓорче и Бутел

Eкипите на ЈП Комунална хигиена-Скопје отстранија две обемни диви депонии лоцирани во скопските општини Ѓорче Петров и Бутел.

Како што соопштија, во општината Ѓорче Петров, активностите се одвивале во населбата Дексион, на последната постројка на автобусот број 5, каде што се подигнати приближно 60 кубни метри непрописно одложен кабаст, градежен и мешан комунален отпад.