Стојкоски се сретна со шампионките на ЖРК Ѓорче Петров: Ѓорче Петров е гордо на вас!

Градоначалникот на Општина Ѓорче Петров, Александар Стојкоски, се сретна со ракометарките на ЖРК Ѓорче Петров, кои вторпат по ред ја освоија двојната круна – титулата во Првенството и трофејот во Купот на Македонија во женска конкуренција.

Стојкоски им честиташе на ракометарките и на стручниот штаб за извонредната сезона и за континуираниот успех што го постигнуваат на национално ниво.