Тошковски: Честит 11 Октомври, борбата и саможртвата на хероите го отворија патот кон слободата што ја уживаме денес

Министерот за внатрешни работи Панче Тошковски денеска беше дел од владината делегација на одбележувањето на 11 Октомври – ден на востанието на македонскиот народ. Делегацијата положи свежо цвеќе на Партизанските гробишта во Бутел и пред споменикот на Ослободителите на Скопје во знак на сеќавање на храбрите борци од 1941 година, кои го почнаа организираниот отпор против фашизмот.