Фокус на економската соработка и трговската размена на средбата меѓу Муцунски и албанскиот амбасадор Мејдани

Министерот за надворешни работи и надворешна трговија, Тимчо Муцунски денеска на средба го прими амбасадорот на Република Албанија, Денион Мејдани.

Двајцата разговарале за важноста од интеграцијата на регионот во Европската унија, нагласувајќи дека успешното заокружување на европската перспектива на земјите од Западен Балкан ќе придонесе за зајакнување на регионалниот развој, стабилност и безбедност.