Заталкан куршум оштетил шофершајбна на паркирано возило во Чаир

Вчера (19.08.2025) околу 14:30 часот во СВР Скопје, Б.А.(49) од Скопје пријавил дека во кругот на станица за технички преглед на подрачјето на Чаир од заталкано зрно од огнено оружје било оштетено ветробранското стакло од неговото возило „цитроен“ со скопски регистарски ознаки.

Полициски службеници од СВР Скопје го подигнале зрното за понатамошна постапка, се наведува во полицискиот билтен.