На 17.12.2025, полициски службеници од СВР Струмица – ОВР Гевгелија ги лишиле од слобода А.Д. (18) и Д.Д. (52).
При претрес на нивниот дом, извршен со судска наредба, биле пронајдени повеќе пакувања марихуана, бела прашкаста материја, повеќе шишиња со течност, дигитални ваги, предмети со остатоци од марихуана, како и други предмети кои, според полицијата, се наменети за импровизирана лабораторија за одгледување марихуана.
Двајцата биле задржани во Полициската станица, по што по поднесување кривична пријава биле изведени пред судија во Основен суд Гевгелија, кој им одредил мерка домашен притвор.
